Бал белән миндальнең файдасы

Тикшеренүләр күрсәткәнчә, бал белән миндаль чикләвеген көндәлек куллану йөрәк-кан тамырлары авыруларын кисәтә икән. Канада галимнәре фикеренчә, миндаль кандагы холестеринны киметә, аппетитны арттыра, тамак авыруларыннан, ютәлдән булыша, баш авыртудан, азканлылыктан, шикәр чиреннән файдасы зур. Составында Е, В витаминнары, тимер, магний, калий элементлары күп. Шулай ук көн саен 3 аш кашыгы балны бер стакан суга болгатып эчү канда антиоксидантларны арттыра, йөрәк, нерв, эшчәнлеген җайга сала. Бу ике продуктны бергә кулланганда организмга файдасы икеләтә арта. Монын өчен икесен дә бертигез алып, банкага салып, караңгы урында сакларга була. Аллергия булмаган очракта, көнгә бер-ике чәй калагы кулланырга киңәш итә белгечләр.