Кукмарада узган комиссия утырышында юл хәрәкәте куркынычсызлыгы мәсьәләләре буенча фикер алыштылар

Кукмарада юл хәрәкәте иминлеген тәэмин итү буенча комиссиянең чираттагы утырышы узды.

Кукмара районының ЮХИДИ бүлеге җитәкчесе Фирдүс Фәхретдинов район юлларында килеп чыккан фаҗигаләр турында сөйләде һәм юл хәрәкәте иминлеген тәэмин итүнең мөһимлеген билгеләп узды.

«Агымдагы елның 10 аенда район территориясендә 16 юл-транспорт һәлакәте булды, аларда 12 кеше тән җәрәхәтләре алды, 5 кеше һәлак булды. Чагыштыру өчен: 2022 елда 24 юл һәлакәте булды, аларда 26 кеше зыян күрде, 3 кешенең гомере өзелде», — дип билгеләп үтте Фирдүс Фәхретдинов.

«Йорт-мәктәп-йорт» балалар хәрәкәте маршрутлары буенча урам-юл челтәренең торышы мониторингы турында район мәгариф идарәсе җитәкчесе Илфат Әхмәдуллин сөйләде.

Утырышта шулай ук гражданнар һәм оешмаларның мөрәҗәгатьләре, хатлары каралды.

Фото: Ризилә Корбанова/ «Хезмәт даны»