Кукмарада рейд вакытында ЮХИДИ инспекторлары исерткеч эчемлек куллану билгеләре булган ике шоферны ачыклаган

22 февральдә ЮХИДИ инспекторлары, участок уполномоченныйлары белән берлектә, Кукмарада «Тоннель» операциясе уздырды. Бу хакта Кукмара районының ЮХИДИ бүлеге җитәкчесе Фирдүс Фәхретдинов хәбәр итте. 

Рейд барышында юл йөрү кагыйдәләрен бозуның 12 очрагы теркәлгән. Болар: иминлек каешын куймау (4 очрак), укылмый торган дәүләт номеры булган автомобильдә хәрәкәт итү (4 очрак) һәм башкалар. 

Моннан тыш, исерткеч эчемлек куллану билгеләре булган ике шофер ачыкланган. Аларның транспорты штрафлар тукталышына куелган. 

Мондый төр рейдлар алга таба да дәвам итәчәк.

Фото: Эльвира Иванова/ «Хезмәт даны»