Кукмарада «Газель» һәм җиңел автомобиль бәрелешүе нәтиҗәсендә ике кеше зыян күргән

Кукмарада «Газель» һәм җиңел автомобиль бәрелешү нәтиҗәсендә ике кеше зыян күргән. Бу хакта Кукмара районының ЮХИДИдә хәбәр иттеләр.

Һәлакәт сәгать 9.40та Кукмара районының Кәчимир авылы янында була.

«Газель» йөртүчесе сулга таба борылганда юлның каршы як полосасыннан килүче «Лада Калина» автомобиленә юл бирми. Нәтиҗәдә, «Газель» җиңел автомобиль белән бәрелешә.

Юл фаҗигасендә «Лада Калина» шоферы һәм пассажиры зыян күрә. Аларны район үзәк дәваханәсенә алып китәләр.