Хезмәт даны
  • Рус Тат
  • Кукмарада автоинспекторлар тәрәзәләре караңгылатылган автомобиль йөртүчене штрафка тартты

    Шәһәрдә машиналары куркынычсызлык регламенты таләпләренә туры килми торган машина йөртүчеләрне ачыклау буенча рейд узды.

    Кукмарада рейд вакытында автоинспекторлар тәрәзәләре караңгылатылган автомобиль йөртүчене штрафка тарттылар. Бу хакта ЮХИДИ начальнигы вазыйфаларын вакытлыча башкаручы Сергей Егоров хәбәр итте.

    Кичә Кукмарада узган рейд барышында автоинспекторлар юлларда тәрәзәләре караңгылатылган машина белән идарә итүче шоферларны ачыклады.

    Чара барышында юл хәрәкәте кагыйдәләрен бозган өчен барлыгы 15 административ материал төзелде. ЮХИДИ хезмәткәрләре тарафыннан автомобиленең тәрәзә пыяласы төсле пленка каплау нәтиҗәсендә куркынычсызлык регламенты таләпләренә туры килмәгән бер машина йөртүче штрафка тартылды. Хокукка каршы гамәлләрне туктату турында бер таләп бирелде.

    «Яктылык үткәрүчәнлеге регламент таләпләренә туры килми торган пыяла урнаштырылган транспорт чарасы белән идарә иткән өчен административ җәза каралган. Мондый хокук бозу өчен беренче юлы штраф күләме - 500 сум. Әгәр хокук бозу кабатлана икән, штраф күләме 1 мең сумга кадәр артачак, яки машина йөртүче 15 тәүлеккә кулга алыначак», - дип билгеләп үтте Сергей Егоров.

    Ул шулай ук агымдагы елның җиде аенда тәрәзә пыялары караңгылатылган машина белән идарә иткән өчен 90 шофер җаваплылыкка тартылды, дип билгеләп үтте. Узган ел шул ук чорда 99 беркетмә төзелгән булган.

    фото: район ЮХИДИ бүлегеннән

     

    «Кукмор Татарстан» Telegram-каналга язылыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: