Кукмара районында «Лада» машинасы юл билгесенә бәрелә һәм юл читенә чыгып оча, шофер дәваханәдә җан бирә

Кукмара районында «Лада» машинасы юл билгесенә бәрелә һәм юл читенә чыгып оча, шофер дәваханәдә җан бирә. Бу хакта Кукмара районы ЮХИДИ бүлеге хәбәр итә.

Бүген көндезге сәгать икедә Кукмара районының Нырты авылы янында «Өлге – Совхоз Нырты» автомобиль юлының 24 чакрым+50 метрында «Лада Х-рей» машинасында 56 яшьлек шофер юл билгесенә бәрелә, шуннан соң автомобиль юл читенә төшеп китә.

Авария нәтиҗәсендә машина йөртүче зыян күрә. Ир-атны төрле җәрәхәтләр белән Кукмара үзәк дәваханәсенә  китерәләр, ул анда алган җәрәхәтләрдән үлә.

Фото: район ЮХИДИ бүлеге