Кукмара районында узган рейд вакытында ЮХИДИ инспекторлары исерткеч эчемлек куллану билгеләре булган шоферны ачыклаган

11 апрельдә 7.00 сәгатьтән 9.00 сәгатькә кадәр Кукмара районының Кәчимир авылы, Зеленая урамы, 28нче йорт янында (Кукмара — Нократ Аланы автоюлының 2нче чакрымы) ЮХИДИ хезмәткәрләре, участок вәкилләре белән берлектә, «Тоннель» операциясе үткәрде. Бу хакта Кукмара районы ЮХИДИ бүлегендә хәбәр иттеләр.

Рейд барышында юл хәрәкәте кагыйдәләрен бозуның 17 очрагы ачыкланган. Алар арасында куркынычсызлык каешларын куллану кагыйдәләрен бозу (6 очрак), укылмый торган дәүләт номерлары булган транспорт чарасы белән идарә итү (5 очрак), транспорт чарасының юл хәрәкәтендә катнашуга кертүне раслаучы диагностик карта билгеләнгән тәртиптә рәсмиләштерелмәгән транспорт чарасы белән идарә итү (3 очрак), җәяүлеләрнең юл хәрәкәте кагыйдәләрен бозуы (1 очрак), башка төр сәбәпләр (1 очрак).

Моннан тыш, алкогольле эчемлек куллану билгеләре булган шофер ачыкланган. Аның транспорты штрафлар тукталышына куелган.

Районның дәүләт автоинспекциясе мондый төр тикшерү эшләренең даими алып барылачагын искәртә.

Фото: Эльвира Иванова/ «Хезмәт даны»