Кукмара районында рейд вакытында Дәүләт автоинспекторлары алкоголь исереклеге билгеләре булган машина йөртүчене ачыклаган

18 октябрьдә 7:00 сәгатьтән 9:00 сәгатькә кадәр Кукмара районының «Кукмара-Нократ Аланы» автомобиль юлының икенче чакрымында Дәүләт автоинспекциясе хезмәткәрләре участок уполномоченныйлары белән берлектә «Тоннель» операциясен үткәрделәр. Бу хакта районның Дәүләт автоинспекциясендә хәбәр иттеләр.

Рейд барышында юл хәрәкәте кагыйдәләрен бозуның барлыгы 12 очрагы ачыклана. Алар арасында куркынычсызлык каешын куллану кагыйдәләрен бозу, яктылык үткәрүе билгеләнгән куркынычсызлык таләпләренә туры килми торган пыялалы транспорт чарасы белән идарә итү, тиешле тәртиптә диагностика картасы рәсмиләштерелмәгән, укылмый торган дәүләт номерлары булган транспорт чарасы белән идарә итү, үзең белән документлар булмау кебек тәртип бозулар бар.

Моннан тыш, исереклек билгеләре булган машина йөртүче дә тоткарлана. Аның транспорт чарасы штрафлар тукталыша куела.

Районның Дәүләт автоинспекциясе машина йөртүчеләрне массакүләм тикшерү эше даими рәвештә алып барылачагын искәртә.

фото: архив, Эльвира Иванова/ «Кукмара-информ»