Юл фаҗигасе урынына автоинспекторларны чакыру мәҗбүриме: Кукмара районының ЮХИДИ бүлегендә шул хакта сөйләделәр

Юл-транспорт һәлакәтенә юлыкканда ул урынга ЮХИДИ инспекторларын чакыру мәҗбүриме?

Максим АНДРЕЕВ

Район ЮХИДИ бүлекчәсеннән мондый җавап алынды:

Бәхетсезлек очрагында зарар күрүчеләр юк, һәм килгән зыян якынча 50 мең сумнан артмый, каршы як шофер үз гаебен таный икән, бу очракта ЮХИДИ хезмәткәрләрен чакырмасагыз да була. Шул урынны фоторәсемгә төшерәсез, евроберкетмәдә якынча схема сызасыз һәм бергәләп иминият компаниясенә мөрәҗәгать итәсез. Гаепле кеше сезнең белән бара алмаса, аның барлык документларын (паспорт, йөртү таныклыгы мәгълүматларын) фотога төшереп алырга кирәк була. ЮХИДИ инспекторы килмәгәндә, зыян салучыга штраф язылмый.

Фото: «Татар-информ» МА