Фото: Кукмара районында чит ил машина йөртүчесе каршыга килүче автомобиль белән бәрелешкән

Район ЮХИДИ хезмәтеннән алынган мәгълүматларга караганда, 15 февраль көнне 23.35 сәгатьтә Кукмара-Шәмәрдән юлының икенче чакрымында юл-транспорт һәлакәте булган. 

“Шевроле Спарк” автомобиле шоферы Шәмәрдәннән Кукмарага таба хәрәкәт иткән вакытта, һава шартларын исәпкә алмау, юл куркынычсызлыгын тәэмин итүче тизлекне сакламау нәтиҗәсендә, каршы як полосага чыгып, “Кио Рио” машинасы белән бәрелешкән.

Юл-транспорт һәлакәтендә “Шевроле Спарк” шоферы төрле дәрәҗәдәге тән җәрәхәтләре белән Арча районы дәваханәсенә озатылган.