Адайда хоккей ярышы бик “кызу” булды!

Адай авылының боз мәйданчыгында хоккей ярышы булды. Анда Балыклы, Олыяз, Чишмәбаш, Мәмәшир, Адай авылы командалары көч сынашты. Командалар бик нык әзерләнеп килгәннәр иде, егетләр сынатмадылар.

Ярышта Адай командасы җиңүче булды. Икенче урынны Олыяз авылыннан килгән команда алды, ә өченче урынга Чишмәбаш авылы командасы чыкты.

Егетләргә алга таба уңышлар телибез һәм матур очрашулар көтеп калабыз.

Фәния Хәбибуллина, Адай авылының клуб мөдире