3 июльдән барлык районнарда да Гадәттән тыш хәл режимы кертелде.
Җәйнең беренче аенда Татарстанда уртача 15 мм явым-төшем булган – бу норманың нибары 25 проценты гына, туфракта корылык күрше төбәкләрдә дә теркәлгән. Татарстанның Авыл хуҗалыгы һәм азык-төлек министрлыгы дым кытлыгы булган кырларның торышын күзәтүне дәвам итә, дип хәбәр итте республиканың авыл хуҗалыгы һәм азык-төлек министры Марат Җәббаров.
«Республиканың Гидрометеорология үзәге бөтен җирдә дә дым запасының критик күрсәткечләрен билгеләп тора», – диде министр.
Ул Татарстан Рәисе Рөстәм Миңнехановның 3 июльдән барлык районнарда да Гадәттән тыш хәл режимы кертү турында указ имзалавын әйтте.
«Чаралар [гадәттән тыш хәл нәтиҗәләрен юкка чыгару буенча] планын районнарга җиткердек», – диде Марат Җәббаров.
«Кукмор Татарстан» МАКС каналына язылыгыз
Нет комментариев