Түбән Комар авылыннан хезмәт ветераны Чачабей Картошкина 90 яшьлеген билгеләп үтте

Түбән Комар авылында яшәүче хезмәт ветераны Чачабей Картошкинага 90 яшь тулды.

Ветеранны котларга район Башкарма комитеты җитәкчесе урынбасары Айгөл Әхмәтшина, Урта Комар авыл җирлеге башлыгы Юрий Исынбаев килде. Юбилярга Россия Президентының котлау открыткасын, район башлыгының Рәхмәт хатын һәм истәлек бүләге тапшырдылар.

Чачабей Сәйфиевна лаеклы ялга чыкканчы фермада сыер савучы булып эшләгән. Алты балага гомер биргән. Бүгенге көндә юбиляр улы һәм килене гаиләсендә яши.