ТР Рәисе Кукмара дәваханәсенең баш табибына яңа ашыгыч ярдәм автомобиленең ачкычын тапшырды

Казанда Татарстан Сәламәтлек саклау министрлыгының «2024 елда Татарстан Республикасы Сәламәтлек саклау системасы эшчәнлеге йомгаклары турында. 2025 елга бурычлар һәм үсеш перспективалары» дигән йомгаклау коллегиясе узды.

Чара кысаларында медицина учреждениеләре җитәкчеләренә яңа ашыгыч ярдәм автомобильләренең ачкычлары тапшыру тантанасы булды, анда Татарстан Рәисе Рөстәм Миңнеханов катнашты.

Яңа ашыгыч ярдәм автомобиленең ачкычы Кукмара район дәваханәсенең баш табибы Вадим Рәхмәтуллинга тапшырылды. Машина барлык кирәкле, шул исәптән пациентларны реанимацияләү өчен дә җиһазлар белән тулыландырылган.

фото: «Татар-информ» МА, ТР Рәисе матбугат хезмәте