Түбән Өскебашта халык җыены узды

Районыбызда узган елгы эш нәтиҗәләренә багышланган халык җыеннары башланып китте. Район Башкарма комитеты җитәкчесенең урынбасары Чулпан Хәнәфина җитәкчелегендәге төркем Түбән Өскебаш авыл җирлегендә булып кайтты.

Җирлек башлыгы Нургаян Мөхәммәтҗанов сүзләренә караганда, җирлеккә биш авыл керә, аларда 990 кеше яши. Узган ел 3 бала туган, 16 кеше вафат булган.

Чулпан Хәнәфина үзенең чыгышында районда башкарылган эшләр белән таныштырды, киләчәккә максат һәм бурычлар билгеләде. Участок инспекторы Илназ Таразов районда хокук бозуларның торышы турында сөйләде.

Чыгышлар соңында сорауларга җаваплар бирелде, хезмәт алдынгылары бүләкләнде.

фото: Алсу Сәләхетдинова/ "Хезмәт даны"