Татарстанда соңгы тәүлектә 7 кеше коронавирус диагнозы белән хастаханәгә салынган

Инфекция йоктырган 7 кеше хастаханәгә озатылган, калган 24 кеше өендә дәвалана. 2 очрак - читтән кертелгән, ә 29ы - элемтә нәтиҗәсендә. Бу хакта «Татар-информ» мәгълүмат агентлыгына коронавирус буенча оператив штаб хәбәр итә.
Авыручыларның күбесе Казан шәһәрендә – 19, Норлатта – 2, Яр Чаллы, Әлмәт, Бөгелмә, Биектау, Зәй, Яшел Үзән, Лениногорск, Минзәлә, Балык Бистәсе, Тукай районнарында - берәр очрак.
18 яшькә кадәр – 3, 18-30 яшь арасында – 10, 30-50 арасында – 7, 50-60 арасында – 5, 60-70 арасында – 4, 70-80 арасында – 1, 80-90 арасында 1 кешедә табиблар COVID-19 тапкан.
Татарстанда бу бөтен вакыт эчендә 5372 Covid-19 очрагы теркәлгән, 4219 кеше терелгән.

фото ИА  «Татар-информ»