Татарстанда коронавирус йоктыруның 54 яңа очрагы ачыкланган

Татарстанда узган тәүлектә яңа төрдәге Сovid-19 коронавирус инфекциясе йоктыруның 54 яңа очрагы теркәлгән. Бу хакта «Татар-информ» мәгълүмат агентлыгына коронавирус буенча оператив штаб хәбәр итә.

Инфекция йоктырган 20 кеше хастаханәгә озатылган, калган 34 кеше өендә дәвалана. Барысы да элемтә юлы белән инфекция йоктыручылар.

Чир йоктыручыларның күбесе Казанда – 39 кеше. Яр Чаллы шәһәрендә - 3, Әтнәдә – 4, Лаеш, Түбән Кама, Питрәчтә – икешәр, Буа, Яшел Үзәндә – берәр.

Татарстанда бүгенге көнгә кадәр барлыгы Covid-19ның 2966 очрагы расланган.

фото: «Татар-информ»

«Кукмор Татарстан» Telegram-каналга язылыгыз