Татарстанда коронавирус белән зарарлануның 36 яңа очрагы ачыкланган

Татарстанда соңгы тәүлектә Covid-19 белән зарарлануның 36 очрагы расланган. Бу хакта «Татар-информ» мәгълүмат агентлыгының коронавирус буенча оператив штабы хәбәр итә.

Инфекция йоктырган 15 кеше хастаханәгә озатылган, калган 21 кеше өендә дәвалана. 

Авыручыларның күбесе Казан шәһәрендә – 19, Яр Чаллыда – 6, Нурлат районында – 3, Яшел Үзән районында – 2, Арча, Әтнә, Балтач, Биектау, Югары Ослан һәм Чүпрәле районнарында - берәр очрак.

Татарстанда бүгенге көнгә кадәр барлыгы Covid-19ның 4114 очрагы расланган, 2969 кеше савыккан.

фото: «Татар-информ»