Татарстанда бер ир урам бәдрәфенә егылып төшкән

Татарстанда автовокзалда җәмәгать бәдрәфенә егылып төшкән ир-атны коткарганнар. Бу хакта Россия гадәттән тыш хәлләр министрлыгының ТР буенча Баш идарәсе матбугат хезмәтендә хәбәр итәләр. Вакыйга Кама Аланында булган.

Башта бәдрәф чокырына ялгыш ир-атның паспорты төшеп китә. Документын алырга теләгән ир үзе дә шунда "чума". Шаһитлар урынга коткаручыларны чакыра. Бәлага тарыган паспорт иясен тартып чыгару өчен 15 минут вакыт киткән.

Медиклар ярдәм кирәк булмаган, дип яза tatpressa. 

Фото: ГУ МЧС России по РТ