Татарстанда авариядә ике яшь кыз һәлак булган

Кичә кичке сигезләр тирәсендә Татарстанның Чүпрәле районындагы Татар Шатрашаны авылы янында юл һәлакәте булган.

«Татар-информ» фаҗига шаһитларына сылтама белән хәбәр иткәнчә, «Лада» җиңел машинасы юл кырыена төшеп киткән һәм берничә тапкыр әйләнеп капланган.

«Машинада йөртүче һәм ике кыз бар иде. Пассажир кызлар урында ук үлде, машина йөртүчене ашыгыч ярдәм табиблары хастаханәгә алып китте», – ди шаһитлар.

фото: шаһитлар