Рөстәм Миңнеханов татарстанлыларны Татарстанның Дәүләт флагы көне белән котлады

ТР Рәисе Рөстәм Миңнеханов Telegram-каналында шәхси сәхифәсенә язылучыларны Татарстан Республикасы Дәүләт флагы көне белән тәбрик итте, дип яза «Татар-информ» МА.

«Татарстан Республикасы Дәүләт флагы көне белән! С Днем Государственного флага Республики Татарстан!» - дип язган Миңнеханов татар һәм рус телләрендә, шулай ук озынлыгы алты секунд тәшкил иткән видеокотлау да урнаштырган.

Моннан нәкъ 32 ел элек, 1991 елның 29 ноябрендә, Татарстан Югары Советы яшел-ак-кызыл төсләрдәге флагны республиканың яңа дәүләт символы сыйфатында раслады.

Фото: «Татар-информ» МА