Равилә Иделләрнең кызыклы китаплары сезне көтә!

Хөрмәтле укучылар! Сезгә 2016 елда басылып чыккан “Харбин – Истанбул, һәр көн истә ул! китабын укырга киңәш итәбез. Бу китап ата-баба туфрагыннан еракта – Кытай илендә туып, бала чагының иң татлы көннәрен Харбинда үткәргән, Монголиядә яшәп, хәзер Төркиянең Истанбул каласында гомер итүче Равилә Иделләр тарафыннан язылган. Равилә Иделләр – Октябрь революцисеннән соң чит илгә китәргә мәҗбүр булган, сәйләннәрдәй сибелгән татар халкының газиз бер баласы. Автор әти-әнисе һәм үзе яшәгән чорның, шул мохитнең үзенчәлекләрен, татар мөһаҗирләренең яшәү өчен көрәшен, туган илен сагынулары, сагыш-газап тулы михнәтле язмышларын сурәтли.
Китап татар халкының тарихы, язмышы белән кызыксынучы һәр кешенең дә игътибарын җәлеп итәр дип уйлыйбыз.

Гөлсәрия Галиева, китап эшкәртү бүлеге хезмәткәре