Поч.Сутерда «Май чабу» бәйрәмен билгеләп үттеләр

Поч.Сутер авылында зурлап «Май чабу» бәйрәмен уздырдылар. Авыл халкы бердәм булып клуб янына җыелды.

Күңелле уеннар, әйлән-бәйлән, җырлар һәм биюләр белән халык кышны озатты. Чара ахырында Кыш Бабай үзенең таякларын язга тапшырды.

Бәйрәмнең кульминациясе карачкыны яндыру булды. «Яктырак булып ян» дип, кунаклар карачкы тирәли өч әйләнеш ясадылар, бер-берсенә сәламәтлек, күңел күтәренкелеге һәм яхшы кәеф теләделәр.

«Бәйрәмгә өлкәннәр дә, балалар да килде. Сүз уңаеннан, иң өлкән катнашучыга - 84, ә иң кечкенәсенә 2 яшь иде. Бәйрәм табын артында тәмле коймактан авыз итү һәм чәй эчү белән тәмамланды. Халык канәгать калды», - дип сөйләде Поч.Сутер клубы мөдире Людмила Иванова.

фото: Поч.Сутер клубы