Кукмарада мәгариф хезмәткәрләренең иң көчле командасын билгеләделәр

Кукмараның Ринат Мөхәммәтшин исемендәге стадионында мәгариф хезмәткәрләре арасында масштаблы спартакиада узды. Чарада 33 команда составында мәгариф учреждениеләренең 350дән артык хезмәткәре катнашты.

Укытучылар программаның 8 төре буенча ярышты:

• Тартылу
• Урыннан сикерү
• Гер күтәрү
• Армрестлинг
• 60 метрга йөгерү
• Граната ыргыту
• 4×100 метрлы эстафета
• Аркан тарту

Киеренке көрәштә Ядегәр мәктәбе командасы җиңү яулады. Икенче урында — Сәрдекбаш мәктәбе, ә өченче урынны күппрофильле лицей командасы алды. 

район мәгариф идарәсе фотолары