Милли моң” Бөтенроссия мөнәҗәтләр фестивалендә кукмаралылар уңышылы чыгыш ясадылар

Татарстанда Туган телләр һәм халыклар бердәмлеге елы уңаеннан Идел буе Болгар дәүләтендә Исламны кабул итүнең 1100 еллыгына багышланып, Бөгелмәдә “Милли моң” дип исемләнгән Бөтенроссия мөнәҗәтләр фестивале узды. Чарада йөздән артык кеше чыгыш ясады. Алар арасында балалар да, өлкәннәр дә бар иде. Районнан дүрт кеше: Ядегәрдән Вәсилә Әсхәдуллина, Байлангардан Гөлфия Газизуллина, Гөлсәвия Нуриева, Кукмарадан Рафис Шәйдуллиннар катнашты. Рафис Шәйдуллин фестивальдә икенче урынны алды. Аңа - диплом һәм кыйммәтле бүләк, ә калган катнашучыларга мөнәҗәтче сертификаты тапшырылды, дип хәбәр итте Кукмара районы мөхтәсибәтенең мөслимәләр берлеге рәисе Гөлсинур Аксанова.