Манзарас авылының Цветочная урамына кайчан юл булыр

Манзарас авылының Цветочная урамына 2021 елда юл салу каралганмы икән? Яз, көз айларында, җәйге яңгырларда эшкә бару, урамнан чыгу өчен куркып торабыз. Авырый башласаң, ашыгыч ярдәм машиналары керерлек түгел. Шушы сорауга ачыклык кертергә ярдәм итсәгез иде.
Гүзәлия САБИРОВА

Әлеге сорауга район Башкарма комитеты җитәкчесенең инфраструктура үсеше буенча урынбасары Рөстәм ӘХМӘДУЛЛИН җавап бирә:
- Цветочная урамына асфальт юл салу буенча проект әзерләнде. Әмма ул быелгы эш планына кермәде. Аның кайчан эшләнәчәге турында әлегә төгәл генә җавап биреп булмый.

фото редакция архивыннан