Кукмаралы кабынган плитәдә табасын калдырган килеш йокыга киткән

Кукмарада яшәүче бер ир-ат кабынган плитәдә табасын калдырган килеш йокыга киткән. Бу хакта Кукмара районының 117нче янгын сүндерү-коткару часте хәбәр итә.

7 июль көнне 16.10 сәгатьтә 117нче янгын сүндерү-коткару частеның элемтә пунктына Нур Баян урамындагы 35А йортының 3нче кат тәрәзәсеннән көчле төтен чыгуы турында хәбәр килеп ирешә.

Янгын сүндерүчеләр килеп җиткәч, фатир хуҗасының ризык әзерләү өчен газ плитәсенә табак куеп йоклап китүе ачыклана.

Зыян күрүчеләр һәм һәлак булучылар юк.

фото: янгын-коткару часте