Кукмарадагы шәхси йортларның берсендә янгын чыккан

23 гыйнварда сәгать 17.35тә 117нче янгын-коткару частенең элемтә пунктына Кукмараның Парк урамындагы шәхси хуҗалыкларның берсендә янгын чыгу турында хәбәр алына.

Янгын сүндерүчеләр килгәндә көчле төтен чыга, йортның кухня өлешенең түшәме яна, утның өйнең бар өлешен чорнап алу ихтималы зур була. Янгын сүндерүчеләрне хуҗа кеше каршы ала, өй эчендә беркем дә булмавын хәбәр итә.

Нәтиҗәсендә гомуми мәйданы 12 кв. метрда торак йортның түшәме яна, фаҗигадә һәлак булучылар һәм зыян күрүчеләр юк.