Кукмарада яшәүче Үзбәкстан гражданнары үзләренең Ватан депутатлары өчен алдан тавыш бирүдә катнашалар

22 декабрьдә Үзбәкстан Республикасында парламентка сайлаулар узачак. Татарстанда вакытлыча яки даими рәвештә яшәүче Үзбәкстан гражданнары бу көнне консуллыкта тавыш бирә алачак. Тавыш бирүне Үзбәкстанның Генераль консуллыгы вәкилләре үткәрә.

-Уңай шартлар тудыру өчен, 12-18 декабрьдә республиканың барлык шәһәрләрендә һәм районнарында ерактан торып тавыш бирү өчен сайлау комиссияләре (төркемнәре) эше оештырыла. Кукмара районында яшәүче 21 Үзбәкстан вәкиле 15 декабрь көнне тавыш бирү өчен Сабада урнашкан сайлау участогына барачак, - дип хәбәр итте район Башкарма комитеты җитәкчесенең социаль мәсьәләләр буенча урынбасары Айгөл Әхмәтшина.