Хезмәт даны
  • Рус Тат
  • Кукмарада яшәүче бер хатын-кыз җинаять кылу турында белә торып ялган донос ясаган өчен хөкем ителгән

    Хатын иренең талашкан вакытта аңа үтерү белән янавы турында хәбәр иткән.

    Кукмарада яшәүче бер хатын-кыз белә торып җинаять кылу турында ялган донос ясаган өчен хөкем ителгән. Бу хакта Кукмара район судының матбугат хезмәте хәбәр итә.

    «38 яшьлек хатын, үз гамәлләренең куркыныч булуын аңлаган хәлдә, хәбәр иткән мәгълүматларның чынбарлыкка туры килмәвен белә торып, ирен җинаять җаваплылыгына тарту максаты белән, Кукмара районы полиция бүлегенең өлкән участок уполномоченныена мөрәҗәгать итә. Хатын бәхәс барышында иренең үтерү белән янавы, үз сүзләрен раслап буа башлавы һәм пычак алуы турында җиткерә», - дип сөйләделәр судта.

    Тикшерү барышында ирнең хатынына үтерү белән янамавы, ягъни аңа карата бернинди җинаять кылмавы ачыклана. Шуңа бәйле рәвештә җинаять эше кузгатылмый.

    Нәтиҗәдә «зыян күрүче» хөкем ителүчеләр эскәмиясенә эләгә һәм белә торып ялган донос өчен хөкем ителә. Суд хөкем ителүчегә штраф рәвешендә җәза билгели.

    Фото: «Татар-информ»

     

    «Кукмор Татарстан» Telegram-каналга язылыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: