Кукмарада ут мунча һәм сарайның түбәсен юк итте

Кукмарада ут мунча һәм сарайның түбәсен юк итте. Бу хакта Кукмара районының 117нче янгын сүндерү-коткару часте хәбәр итә.

26 ноябрь көнне 14.01 сәгатьтә 117нче янгын сүндерү-коткару частеның элемтә пунктына Глонасс-112 системасы аша Кукмараның Октябрь урамында мунча януы турында хәбәр килә.

Янгын сүндерүчеләр килгәндә 32 квадрат метр мәйданда мунча һәм сарай түбәсе ачык ут белән яна торган була. Утның торак йортка таралу куркынычы да яный.

Ут нәтиҗәсендә гомуми мәйданы 32 квадрат метрлы мунча һәм сарайның түбәсе яна.

Янгынның торак йортка таралуына юл куелмый.

Фото: 117нче янгын сүндерү-коткару часте