Кукмарада коронавирус белән зарарлануның бер яңа очрагы расланган

Татарстанда тәүлек эчендә Covid-19 белән зарарлануның 30 яңа очрагы расланган. Бу хакта коронавирус буенча оператив штаб хәбәр итә, дип яза «Татар-информ».

7 кеше хастаханәгә урнаштырылган, 23 кеше өйдә дәвалана. Бер очрак – читтән кертелгән, калганнары - элемтә нәтиҗәсендә.

Казанда коронавирус йоктыруның 19 очрагы ачыкланды, Норлат районында - өч, Әлмәт һәм Саба районнарында - икешәр, Яр Чаллы, Кукмара, Түбән Кама, Теләче районнарында - берәр.

Татарстанда бу бөтен вакыт эчендә 6250 Covid-19 очрагы теркәлгән, 5084 кеше терелгән.

фото: «Татар-информ»