Кукмарада гаражда чит ил машинасы янган

31 декабрьдә, сәгать 8.04тә районның янгын-коткару частенә ГЛОНАСС-112 системасы буенча Кукмараның Тинчурин урамындагы гаражларның берсендә Huyndai Solaris автомобиле яну турныда хәбәр алына.

Янгын сүндерүчеләр килгәнче халык көче белән җиңел автомобиль гараждан урамга чыгарылган була, автомобильнең капот асты яна торган була.

Янгын сүндерүчеләр авария-коткару инструменты ярдәмендә капотны ачалар һәм ялкынны сүндерәләр.

Зыян күрүчеләр һәм һәлак булучылар юк.

фото: районның янгын-коткару частеннән