Бу хәл агымдагы елның апрелендә була.
Кукмарада 70 яшьлек ир-атны хатынына үтерү белән янаган өчен хөкем иткәннәр. Бу хакта Кукмара районы прокуратурасы хәбәр итә.
«Бу хәл 2021 елның 28 апрелендә була. Лубян авылында яшәүче 70 яшьлек исерек ир-ат хатыны белән килеп чыккан конфликт вакытында аңа үтерү белән яный. Шуннан соң ир өстәлдән пыяла банканы алып, хатынның башына суга, банка ватылып, кыйпылчыкларга тарала», - дип сөйләделәр район прокуратурасында.
Хөкем ителүче үз гаебен тулысынча таныды. Суд гаеплегә ике йөз сәгать мәҗбүри эш рәвешендә җәза билгеләде.
Хөкем карары әлегә законлы көченә кермәгән.
Нет комментариев