Кукмарада 32 яшьлек ир-ат законсыз рәвештә агач кискәне өчен суд каршына басачак

Кукмара районы прокуратурасы элек хөкем ителмәгән 32 яшьлек ир кешегә карата гаепләү карарын раслаган. Ул РФ Җинаять Кодексының 260 маддәсе 2нче бүлеге, «г» пунктында каралган (законсыз урман кисү, әгәр бу гамәлләр зур күләмдә эшләнгән булса) җинаять кылуда гаепләнә.

Тикшерү материаллары буенча, 2022 елның 6 ноябрендә гаепләнүче Кукмара районының Салкын Чишмә авылыннан ерак түгел «Саба урманчылыгы» ДКУ Кукмара участок урманчылыгының 198нче урман таксация бүлегенең 15нче кварталында ике чыршыны законсыз кисеп алган.

Гаепләнүче үз гаебен тулысынча таныган һәм урман фондына китерелгән 95 мең сумнан артык зыянны каплаган.

Җинаять эше Кукмара район судына җибәрелгән.