Кукмара укучылары Россия Герое Рәсим Баксиков белән очрашты

Кукмараның «Галактика» балалар иҗат үзәгендә узган очрашуда район башлыгы Сергей Димитриев, «Ватанны саклаучылар» дәүләт фондының Татарстандагы филиалы җитәкчесе Гүзәл Удачина, махсус хәрби операция вакытында батырлык, кыюлык һәм фидакарьлек күрсәткәне өчен Россия Герое исеменә лаек булган Рәсим Баксиков, районыбыз мәктәпләрендә хәрби-патриотик юнәлештә эшләүче яшьармиячеләр, өлкән сыйныф укучылары һәм башкалар катнашты. 

Өлкән лейтенант, танк ротасы командиры Рәсим Баксиков Алексеевск районынан. Ул мәктәпне тәмамлаганнан соң, Казан танк училищесында белем ала. Рәсим Рәшит улы узган елның ноябреннән махсус хәрби опреация зонасында хәрби хәрәкәтләрдә катнаша. Хезмәттәшләре белән бергә каршы якның сигез хәрби техникасын юк иткәне өчен ул Россия Герое исеменә лаек була. 

Герой белән очрашу сорау-җавап форматында барды.

фото: Алсу Сәләхетдинова/ «Хезмәт даны»