Кукмара районында тәүлек эчендә Covid-19 белән зарарлану очрагы расланган

Кукмара районында соңгы тәүлек эчендә Covid-19 белән. зарарлану очрагы ачыкланган. Татарстан буенча барлыгы 31 яңа очрак расланган. Бу хакта коронавирус буенча оператив штаб хәбәр итә, дип яза  «Татар-информ». 

8 кеше хастаханәгә урнаштырылган, 23 кеше өйдә дәвалана. Аларның бер очрагы читтән кертелгән, калганнары контакт нәтиҗәсендә. 

Казанда – 19, Саба районында - 3, Яр Чаллыда, Биектау, Чүпрәле, Алабуга, Яшел Үзән, Кама Тамагы, Кукмара, Түбән Кама, Питрәч районнарында коронавирус белән зарарлануның берәр очрагы ачыкланган.

Татарстанда бөтен вакыт эчендә 5841 Covid-19 очрагы теркәлгән, 4711 кеше терелгән. 

Фото: «Татар-информ»