Кукмара районында Covid-19 белән зарарлануның тагын бер яңа очрагы расланган
Татарстан буенча тәүлек эчендә барлыгы 23 яңа очрак теркәлгән.
Республикада узган тәүлектә Covid-19 белән зарарлануның 23 яңа очрагы расланган. Бу хакта «Татар-информ» мәгълүмат агентлыгына коронавирус буенча оператив штаб хәбәр итә.
Инфекция йоктырган 5 кеше хастаханәгә салынган, калган 18 кеше өендә дәвалана. Барысы да элемтә нәтиҗәсендә авыручылар.
Казанда коронавирус йоктыруның 13 очрагы ачыкланган. Әлмәт, Яшел Үзән, Кайбыч, Кукмара, Лаеш, Лениногорск, Мамадыш, Норлат, Питрәч, Саба районнарында – берәр.
Татарстанда бу бөтен вакыт эчендә 7044 Covid-19 очрагы теркәлгән, 5923 кеше терелгән.
фото: «Татар-информ»
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Нет комментариев