Кукмара районында Covid-19 белән барлыгы 120 кеше авырган

Кукмара районында Covid-19 белән барлыгы 120 кеше (лабораториядә расланган) авырган. Бу турыда район үзәк дәваханәсенең табиб-эпидемиологы Илназ Фәйзуллин сөйләде.

«Бүгенге көндә, төгәлрәк әйткәндә, февраль аенда, Россия буенча коронавирус инфекциясе белән (лабораториядә расланган) авыручылар саны 4 миллионнан артып китте, ә инде үлүчеләр саны, кызганычка каршы, 81 меңнән артык. Үзебезнең район буенча да авыручылар саны (расланганы) - 120 кеше. Шулар арасында коронавирус инфекциясеннән соң хроник авырулары катлауланып, начар тәмамланган очраклар да булды. Коронавирус инфекциясе еш кына пневмония белән катлаулана, шундый үпкә авыруларының саны 1500дән артык», - диде Илназ Фәйзуллин.

Фото: Эльвира Мөбарәкшина/ «Хезмәт даны»; район үзәк дәваханәсе