Кукмара районында җиңел автомобиль янган

Кукмара районында җиңел автомобиль янган. Бу хакта «Хезмәт даны» газетасына районның 117нче янгын сүндерү-коткару частендә хәбәр иттеләр. 

22 апрельдә сәгать 17.37дә 117нче янгын сүндерү-коткару частенең элемтә пунктына Югары Шәмәрдән авылы янында автомобиль яну турында хәбәр кабул ителә. 

Янгын сүндерү хезмәткәрләре килгәндә «Рено» автомобиле яна торган була. Аларны транспорт хуҗасы каршы ала, автомобиль эчендә кешеләр булмавын, газ баллоны җайланмасы куелмавын әйтә.

Автомобиль тулысынча янып бетә. Зыян күрүчеләр юк.

фото: районның 117нче янгын сүндерү-коткару часте