Кукмара районында яшәүче юбилярны якташыбыз Римма Ратникова котлады

Нормабаш авылында туып-үсеп, бүгенге көндә кызы Илсөяр гаиләсендә Кукмарада яшәүче Мөгыйнова Зәйтүнә Нәфыйк кызы бүген үзенең 95 яшьлек күркәм юбилеен билгеләп үтә.

Юбилярны котларга Татарстан Дәүләт Советы депутаты Римма Ратникова, район башлыгы урынбасары Резидә Гаянова, район социаль яклау бүлеге җитәкчесе Регина Мусина, Байлангар авыл җирлеге башлыгы Илнар Кәримуллиннар килгән иде.

Алар Зәйтүнә апага Россия Федерациясе Президентының котлау открыткасын, район башлыгының Рәхмәт хатын, истәлек бүләкләре тапшырдылар, үзләренең иң җылы теләкләрен ирештерделәр.

Зәйтүнә апа бик бәхетле. Ул алты балага гомер биргән. Аның 22 оныгы, 27 оныкчыгы бар. 

Фото: Алсу Сәләхетдинова/ «Хезмәт даны»