Кукмара районында янгын йорт, хуҗалык корылмалары, автомобильне юкка чыгарган

3 августта сәгать 16.47дә Глонасс-112 системасы буенча районның 117нче янгын сүндерү-коткару частенең элемтә пунктына Кукмара районының Түбән Үрәс авылындагы хуҗалыкларның берсендә янгын чыгу турында хәбәр алына. Бу хакта районның 117нче янгын сүндерү-коткару частендә хәбәр иттеләр. 

Янгын сүндерүчеләрне күршеләре каршы ала, өй эчендә кешеләр булмавын хәбәр итә. Каралты, торак йорт һәм ишегалдындагы җиңел автомобиль яна торган була. 

Янгын нәтиҗәсендә торак йорт, хуҗалык корылмалары, ВАЗ-2115 автомобиле кара күмергә әйләнә. 

Кешеләр зыян күрми.

фото: районның 117нче янгын сүндерү-коткару часте