Кукмара районы башлыгы махсус хәрби операциядә катнашучылар белән очрашты

Кукмара районы башлыгы Сергей Димитриев Донецк халык Республикасының Макеевка һәм Волноваха шәһәрендә хезмәт итүче 430нчы полкта хезмәт итүче егетләр белән очрашты.

Сергей Димитриев «Сугышчан кардәшлек» оешмасы вәкилләре белән бергә хәрбиләргә чираттагы гуманитар ярдәмне алып барды.

«Махсус хәрби операциядә катнашучы егетләргә чираттагы гуманитар йөкне алып барып тапшырдык. Әлеге изге эштә катнашкан һәркемгә рәхмәт. Солдатлар да битараф булмаган райондашларга рәхмәтләрен җиткерделәр. „Җиңү белән кайтабыз!“ — безнең сугышчылардан шундый сүзләр яңгырады», — диде район башлыгы.