Кукмара полициясе хезмәттәге уңышлары өчен күчмә мактау билгесе белән бүләкләнде

Россия Эчке эшләр министрлыгының Кукмара районы буенча бүлеге Татарстан Республикасының икенче категорияле эчке эшләр органнары арасында беренче урынны алды.

2021 ел нәтиҗәләре буенча оператив-хезмәт эшчәнлегендә ирешкән уңышлары һәм югары нәтиҗәле хезмәтләре өчен Россия Эчке эшләр министрлыгының Кукмара районы буенча бүлеге начальнигы, полиция подполковнигы Рамил Нургалиевка күчмә мактау билгесе һәм диплом тапшырылды.

Бүләкләү Татарстан Республикасы буенча Эчке эшләр министрлыгында киңәйтелгән коллегиясе вакытында булды.