Киләсе атнада Татарстанда көннәр салкынайтачак

Атна ахырында һәм киләсе атна башында Татарстан территориясендә салкын көннәр көтелә. Төнге сәгатьләрдә һава температурасы -19..-20 градуска кадәр төшәргә мөмкин, дип хәбәр итә ТР Гидрометеорология үзәге. Бу турыда “Татар-информ” яза.

4 февральдә кар явачак. Һава температурасы түбәнәя башлаячак. 4-5 февральдә төнлә -7 дән -14 градуска кадәр, урыны белән -19 градуска кадәр салкын көтелә. Көндезге сәгатьләрдә -3 тән -9 градуска кадәр суытачак.

6 һәм 7 февральдә урыны белән кар явачак, төнлә температура -10..-15 градус, урыны белән -20 градуска кадәр салкын булачак. Көндез -5 тән -12 градуска кадәр фаразлана.

«Кукмор Татарстан» МАКС каналына язылыгыз