"Хәния" мәчете булырмы?

Быел аның вафатына төгәл бер ел... Бу көнне шартлау кебек яңгыраган ул хәбәрдән үзәкләрнең өзгәләнүе... 

Бер ел буена аның җаны безнең арада булды кебек. Аның турында яздылар, күрсәттеләр, сөйләдер, җырларын яңгыраттылар, хәйрия кичәләре үткәрделәр. Белмәссең, аның үзенә бу кадәр игътибар кирәкме икән анда, әллә чын күңелдән кылган дога кадерлерәкме? Беребез дә "анда" булып, кире кайтмаган, әмма шәригать кануннары буенча изге догада булу аеруча муафыйктыр. 

Бу җәһәттән Чиләбе өлкәсенең Аргаяш районы Бәйрәмгол авылы имамы Рәсим Бастановның фикере игътибарга лаек. Ул Казанда, яки Уфада "Хәния" дип аталачак мәчет төзү ягында. Башлап йөрүчесе булса, матди ягын җырчының дуслары, иҗатын яратучылар тәэмин итәр иде, дигән фикердә ул. 

Игътибарга лаек фикер! Үлеменә бер ел тулган көндә аның җаны күкнең югарырак катына менеп, бездән ераклаша дигән ышану бар. Мәчет булса, аның нуры изге йортта яшәр иде кебек...

kiziltan.ru