Байлангарда әфганчыларның исемнәрен мәңгеләштерделәр

Бөек Җиңүне бәйрәм иткән көннәрдә Байлангар авыл җирлегендә Әфганстанда хезмәтләрен үтәп кайткан егетләр Фәрит Хисамиев, Илсур Әгълиуллин, Азат Гәрәев, Рамил Ибраев, Ильяс Шакиров, Рөстәм Кәбиров, Расил Минемуллиннар бүгенге көндә вафат булган әфганчы авылдашлары Нурислам Кәримуллин, Фаил Габделхаковларның исемнәрен мәңгеләштерү максатыннан, алар яшәгән йортларга истәлек такталары ясатып куйдылар, дип хәбәр итте Минзәлия Әгълиуллина.

Әлеге чарага районннан да кунаклар килгән иде. Район башлыгы урынбасары Равия Каримуллина, район әфганчылар оешмасы җитәкчесе Игорь Грачевлар шундый зур һәм изге эш башкаручыларга рәхмәт сүзләрен ирештерделәр.