Кукмарада социаль ярминкәнең муниципальара йомгаклау этабы узды
Чара кысаларында дүрт проект тәкъдим ителде
Кукмарада коммерцияле булмаган оешмаларның “Социаль ярминкә” I республика хәйрия фестиваленең муниципальара йомгаклау этабы узды. Анда коммерцияле булмаган оешмалар, социаль эшмәкәрләр һәм бизнес вәкилләре чакырылган иде.
Чара кысаларында Кукмараның “НАЗ” (“Ласка”) социаль яклау үзәге, Кукмара районының инвалидлар оешмасы, Балык Бистәсенең “Бердәм проект” проектлар үзәге үзләренең проектларын тәкъдим итте. Шулай ук Кукмарада туризм үзәге оештырырга планлаштыручы Кәрим Ибәтов та презентация белән чыгыш ясады.
Социаль өлкә инновацияләре үзәге җитәкчесе Антон Дыганов сүзләренә караганда, әлеге проект республикада беренче тапкыр тормышка ашырыла һәм ул коммерцияле булмаган оешмаларның эшчәнлек активлыгын үстерүгә юнәлдерелә.
фото: Эльвира Мөбарәкшина/ "Хезмәт даны"
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Галерея
Оставляйте реакции
Нет комментариев