Гаилә сере (шигырь)
Гаиләнең сере нидә дисез? Гади генә, уйлап карасаң. Шалашта да бәхет ташып торыр, Әгәр хәләлеңне яратсаң. Ярдәм итсә күрше-тирәләргә, Елмайса ул кайчак ятларга, Күңелеңдә юктыр начар ният - Көнләшүдән җитмә шартларга. Сүзең ихлас булсын, көнләшүгә Сәбәп бирмә инде үзең дә. Юкка-барга артык күзең салма, Кояш нуры булсын йөзеңдә. Кайвакытта "сукыр-чукрак"...
Гаиләнең сере нидә дисез?
Гади генә, уйлап карасаң.
Шалашта да бәхет ташып торыр,
Әгәр хәләлеңне яратсаң.
Ярдәм итсә күрше-тирәләргә,
Елмайса ул кайчак ятларга,
Күңелеңдә юктыр начар ният -
Көнләшүдән җитмә шартларга.
Сүзең ихлас булсын, көнләшүгә
Сәбәп бирмә инде үзең дә.
Юкка-барга артык күзең салма,
Кояш нуры булсын йөзеңдә.
Кайвакытта "сукыр-чукрак" та бул,
Колак салма һич тә гайбәткә.
Сабырлык һәм түземлелек кылсаң,
Әҗерен күрерсең, әлбәттә.
Бер-береңне аңлап яшәү кирәк,
Күңелеңдә булсын ярату.
Менә шушы инде гаилә сере,
Кирәк түгел артык баш вату.
Харис МОСТАФИН
фото: http://whoislist.org/8-iyulya-den-semi-lyubvi-i-vernosti/
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Нет комментариев