Хезмәт даны
  • Рус Тат
  • Атларда чабып кына... (шигырь)

    (Чабаталы атның - картның зары) Төннәр буе йоклый алмый ятам, Юкны көтеп гомер көземнән. Еллар аша эзләп карасам да, Таба алмыйм - җепләр өзелгән. Әнкәй кайчак эзләп изаланды Бармагында булган уймакны... Мин дә шулай эзлим тик табалмыйм Гомер буе каткан йомгакны. Балачакның матур мизгелләре Тормыш сукмагына тезелгән. Кайда икән бәхет...

    (Чабаталы атның - картның зары)

    Төннәр буе йоклый алмый ятам,

    Юкны көтеп гомер көземнән.

    Еллар аша эзләп карасам да,

    Таба алмыйм - җепләр өзелгән.

    Әнкәй кайчак эзләп изаланды

    Бармагында булган уймакны...

    Мин дә шулай эзлим тик табалмыйм

    Гомер буе каткан йомгакны.

    Балачакның матур мизгелләре

    Тормыш сукмагына тезелгән.

    Кайда икән бәхет йомгагым дип,

    Мең кат үтәм яшьлек эземнән.

    Нидер эзлим, тик үзем дә белмим

    Нәрсә таптым? Нәрсә югалттым?

    Хыялларга чумып яткан мәлдә,

    Килеп чыга минем ак атым!

    Малай чакта салам тарттырдык без,

    Шул ат белән икәү, бергәләп.

    Кайчагында чабып китә идем,

    Өсләренә аның менгәләп.

    Тирес түктек, салам өстердек...

    Кушаматы булды - "Чабата".

    Сәнәк сабы белән кыйный-кыйный

    Эшләтәләр иде кайчакта.

    Шул чабата кебек башны иеп,

    Гомер юлын үтеп барабыз...

    Балачактан, яшьлек елларыннан

    Ераклаша һаман арабыз.

    Юк бәхетне эзләп утка кердек...

    Егылдык та, тордык, йөгердек.

    Аксак аттай аксый-туксый барып,

    Кайгыларга кердек - күп күрдек...

    Тик хыяллар, кыю, юрга аттай,

    Кешне-кешни чаба кайларга?!

    Күңел белән әле без дә яшь бит!

    Күңел белән һаман айларда.

    Адашканда ап-ак бураннарда

    Алып кайта иде ат юлы.

    Яңа елда туры юлны табыйк

    Ирләр өчен һәр ел -Ат елы.

    Яшьләр яшәсеннәр иде шаулап-гөрләп,

    Тик эш аты алар булмасын!

    Гомер буе авыр арба тартып

    Яшәр өчен кеше туймаган.

    Йосыф ХӘНӘФИЕВ, Кукмара

    фото: http://wallpapic.ru/animals/horses/wallpaper-31688

    Нравится
    Поделиться:
    Реклама
    Комментарии (0)
    Реклама
    • 19 апрель 2018 - 09:48
      Ике сәгать көткәч, балаларның җыр-биюгә теләкләре дә калмады Күптән түгел мәктәпкәчә яшьтәге балалар катнашында ижади концерт оештырылды.
      427
      0
      2
    • 18 апрель 2018 - 15:06
      Мәгънәсез сүз сөйләшмик Ничә яшьтә дә әни бик кадерле, аны бер дә югалтасы килми. Аллаһы Тәгалә күпме гомер биргән бит: кемдер балачакта ук, кемдер урта яшьләрдә вафат була, кемдер бу дөньядан тирән картлыгын кичергәч кенә китеп бара.
      281
      0
      1
    • 13 апрель 2018 - 12:51
      Якташларым белән горурланам Райондашларым кайсы гына тармакта хезмәт куйсалар да, үз эшләрен җиренә җиткереп башкаралар
      262
      0
      1
    • 12 апрель 2018 - 11:28
      Хаксызга кеше рәнҗетмик Үзара салым хисабына авылларда күпме эшләр башкарылганы һәркемнең күз алдында. Динебез кешегә нахак сүз әйтергә кушмый, азрак сабыр булсак, сүзебезне үлчәп сөйләсәк иде
      359
      0
      2
    • Кукмарада әти-әниләр бердәм республика имтиханы тапшырдылар
    • Кукмарада прокуратура һәм гадәттән тыш хәлләр оешмалары тикшерүгә чыкты
    • Кукмарада балалар командалары арасында хоккей буенча төбәкара ярышларның ачылу тантанасы
    • “Үрәсбаш” ярдәмче хуҗалыгында семинар булды
    • Кукмара районында үткән халык җыеннарында Римма Ратникова катнашты
    • Кукмара хоккееның 50 еллыгы уңаеннан шайбалы хоккей буенча турнир
    • Сез эшне ничек эзлисез?
      20 кеше тавыш бирде
    Ночной режим